მეზღვაურთა საერთაშორისო დღე ბათუმში - 25 ივნისის ღონისძიებების პროგრამა - Batumelebi • ბათუმი, მეზღვაურთა საერთაშორისო დღე, • batumelebi.ge

25 ივნისს, ბათუმში, მეზღვაურთა საერთაშორისო დღე აღინიშნება, რომელიც ქალაქის ცენტრალური პარკის კოლონადებთან შეკრებით და მემედ აბაშიძის გამზირზე მსვლელობით დაიწყება. საზეიმო მსვლელობა კოლონადებიდან 10:30 საათზე დაიწყება.

ღონისძიება გაგრძელდება ბათუმის ნავსადგურის მე-10 ნავმისადგომთან:

[checklist]

11:30 – 12:15 – ოფიციალური მისალმება, საზეიმო მილოცვა [საქართველოს პრემიერ-მინისტრი, ეკონომიკისა და მდგრადი განვითარების მინისტრი, აჭარის მთავრობის თავმჯდომარე;
12:15 – 12:20 – ნავსადგურის სახელმწიფო კონტროლის ოფიცრებისთვის სამხრე კამერების გადაცემა;
12:20 – 12:25 – დაჯილდოების ცერემონია;
12:25 – 12:30 – IMO Maritime Ambassador-ის [საქართველოში საერთაშორისო საზღვაო ორგანიზაციის ელჩების] წარდგენა;
12:30 – 12:35 – ზღვაში გვირგვინის ჩაშვება [გარდაცვლილ მეზღვაურებზე პატივის მიგება];
12:40 – 12:45 – მე-4 კურსელთათვის დიპლომების გადაცემა;
12:45 – 12:50 – სტიპენდიანტების გამოვლენა;
12:50 – 13:10 – ბათუმის სახელმწიფო საზღვაო აკადემიის გემი „კადეტი“-ის გაშვება საერთაშორისო ნაოსნობაში.

[/checklist]

პარალელურად გაიმართება სხვადასხვა ღონისძიებები ევროპის მოედანზე:

[checklist]

12:00 – 22:00 – საზეიმო ღონისძიებები, გამოფენა: სსიპ საზღვაო ტრანსპორტის სააგენტო; საზღვაო ინდუსტრიის გამოფენა; სსიპ აწარმოე საქართველოს ბენეფიციარების გამოფენა-გაყიდვა; სსიპ ინოვაციების სააგენტოს სტარტაპები;
20:00 – ნიაზ დიასამიძე და 33ა კონცერტი;
22:00 – საზეიმო ფოიერვერკი.

[/checklist]

ღონისძიებებისთვის და კონცერტისთვის სამზადისი დაწყებულია ევროპის მოედანზე, რის გამოც მემედ აბაშიძის გამზირი თავდადებულისა და გამსახურდიას ქუჩებს შორის ავტომობილებისთვის უკვე გადაკეტილია.