ბათუმში, გოგებაშვილის ქუჩაზე, სანაოსნოს მიმდებარედ, ქუჩის გამყოფი რამდენიმემეტრიანი რკინის ღობეა დაზიანებული. რკინის რიკულები მთლიანად დალეწილია, ასევე დაზიანებულია პალმის ხე, რომელიც გაზონზე დგას.
დაზიანებული რკინის ღობე გოგებაშვილის ქუჩაზე
რკინის ღობის გარდა დაზიანებულია გაზონზე მდგარი პალმის ხეც
ბათუმის მერიის კეთილმოწყობის სამმართველოს სამსახურში ამბობენ, რომ რკინის ღობე ავტოსაგზაო შემთხვევის შედეგად დაზიანდა. „გამოვლენილია ის პირიც, ვინც ღობეს დაეჯახა და დაზიანებულ ღობეს ის აღადგენს,“ – გვითხრეს აღნიშნულ სამსახურში.
რა თანხა დაჯდება ღობის აღდგენა, ამის შესახებ კეთილმოწყობის სამსახურში ინფორმაცია არ აქვთ. „კომისია იმუშავებს და გადაწყვეტს,“ – გვითხრეს კეთილმოწყობის სამმართველოს პრესსამსახურში.
