გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტმა საზღვაო ჰიდრობიოლოგიური ექსპედიცია დაასრულა. ექსპედიცია, რომლის მიზანიც საქართველოს შავი ზღვის სანაპიროსა და ზღვის ბიომრავალფეროვნების შესწავლა და შეფასებაა, მოიცავდა საქართველოს შავი ზღვის სანაპიროს ანაკლიის, ფოთის, ქობულეთის, ჩაქვის, ბათუმისა და გონიოს ტრავერსებზე.
დეპარტამენტის ხელმძღვანელის, არჩილ გუჩმანიძის ინფორმაციით, აღებულია მაკრო და მეიოზოობენთოსის, მეზო, მაკრო (ჟელესებრი) და იქთიოპლანქტონის, ფიტოპლანქტონის (პლანქტონური ალგოფლორა) და მიკრობიოტას სინჯები, ასევე განსაზღვრულია თანმდევი პარამეტრების, სულ 300-მდე სინჯი და განზომილება.
ექსპედიცია, საქართველოს შავი ზღვის სანაპიროს დელინეაციის სქემის მიხედვით, ევროკავშირის წყლის ჩარჩო დირექტივისა და საზღვაო სტრატეგიის ჩარჩო დირექტივის მოთხოვნების შესაბამისად ჩატარდა.
ექსპედიციის შედეგების საფუძველზე შეფასდება საქართველოს შავი ზღვის სანაპიროს გარემოსდაცვითი (ზღვის ბიოლოგია) სტატუსი, ზღვის გარემოს მდგომარეობის საუკეთესო გამომხატველი კი მისი ბიოლოგიური მრავალფეროვნება და მასში არსებული ბიოლოგიური სახეობებისა და ფორმების მდგომარეობაა.
ფოტო – არჩილ გუჩმანიძე, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი.
ფოტო – არჩილ გუჩმანიძე, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი.
ფოტო – არჩილ გუჩმანიძე, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი.
ფოტო – არჩილ გუჩმანიძე, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი.
ფოტო – არჩილ გუჩმანიძე, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი.
ფოტო – არჩილ გუჩმანიძე, გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტი.
სანაპიროს სტატუსის შეფასება წინასწარ შემუშავებული შეფასების შკალების მიხედვით მოხდება. შედეგები პერიოდულად ბიულეტენის სახით გამოიცემა. ინფორმაცია გამოქვეყნდება გარემოს ეროვნული სააგენტოს ვებგვერდზე.
