მთავარი,სიახლეები

ბათუმის მერი არქიტექტურის სამსახურის უფროსს კონკურსით შეარჩევს

18.04.2018 • 2045
ბათუმის მერი არქიტექტურის სამსახურის უფროსს კონკურსით შეარჩევს

ბათუმის მერის ლაშა კომახიძის ინფორმაციით, უახლოეს პერიოდში მერია 18 ვაკანსიაზე კონკურსს გამოაცხადებს. მისივე ინფორმაციით, ეს გარკვეულწილად შეეხება ყველა სამსახურს „სხვადასხვა რაოდებობებით“, მათ შორის მერმა დაასახელა არქიტექტურის სამსახურიც.

ამ სამსახურის მიმართ მაღალი საზოადოებრივი ინტერესი არსებობს – ქალაქში მიმდინარე ქაოტური მშენებლობები ერთ-ერთი მწვავე კრიტიკის საგანია.

ამ დროისთვის არქიტექტურის სამსახურის უფროსის მოვალეობას არქიტექტურის სამსახურის ყოფილი უფროსის მოადგილე მირიან მეტრეველი ასრულებს.  ის კონკურსში მონაწილეობის მისაღებად ემზადება.

თვითმმართველობის კოდექსის მიხედვით, მერს უფლება აქვს ერთპიროვნულად დანიშნოს სამსახურის უფროსი. ამის მიუხედავად, ლაშა კომახიძემ არქიტექტურის სამსახურის უფროსის, ისევე როგორც სხვა რამდენიმე ვაკანტური თანამდებობის პირის შერჩევა კონკურსით გზით გადაწყვიტა.

ლაშა კომახიძის თქმით, კონკურსი ასევე შეეხება მუნიციპალური სტრატეგიების მართვისა და რისკების მართვის, აუდიტის, ქონების მართვის, განათლებისა და კულტურის სამსახურებს.  გარდა ამისა, მერიას ვაკანსიები აქვს ადმინისტრაციაშიც:  „ერთი ორი გამონაკლისის გარდა ყველა სამსახურში არის გარკვეული რაოდენობის ვაკანსიები“, –  განაცხადა ლაშა კომახიძემ.

მერი მოსალოდნელი საკადრო ცვლილებებსა და რესტრუქტურიზაციის შესახებ 2017 წლის ოქტომბერშივე, მერის პოსტზე უფლებამოსილების ცნობისთანავე აანონსებდა.  პირველ მარტს ასი სამუშაო დღის შეჯამებისას მერმა განაცხადა, რომ უახლოეს პერიოდში მერია გეგმავდა კონკურსის გამოცხადებას ვაკანტურ თანამდებობებზე, კონკრეტული თარიღი მერს არც დღეს დაუსახელებია.

 

 

 

 

გადაბეჭდვის წესი


ასევე: