19 აპრილს ქედის კულტურის ცენტრთან არსებული ვაჟთა ფოლკლორული ანსამბლი ,,ელესა“ უკრაინაში, ქალაქ ტერნოპოლში, საერთაშორისო საგალობლების ფესტივალში მონაწილეობის მისაღებად გაემგზავრება.
აღსანიშნავია, რომ ტერნოპოლი ბათუმთან დამეგობრებული ქალაქია. სწორედ, ტერნოპოლის საპატიო მოქალაქე – გოჩა არობელიძეა ინიციატორი ფესტივალზე ,,ელესას“ მიწვევის, რომელსაც ქედის მერიამ მხარი დაუჭირა.
ანსამბლი უკრაინაში 21 აპრილამდე დარჩება და იგეგმება სოლო კონცერტების გამართვაც.
ანსამბლს ,,ელესა“ 1996 წელს ეწოდა. მისი განახლებული შემადგენლობა კი 2011 წლიდან არსებობს. ხელმძღვანელი ირაკლი სირაბიძეა, ლოტბარ-კონსულტანტი კი – ტარიელ მამალაძე. ანსამბლი 12 წევრისაგან შედგება, მათ შორის არიან ხანდაზმული წევრები: ნოდარ გორგაძე, ნოდარ კახიძე და როსტომ ბერიძე.
ქედის „ელესა“
