ბათუმის საზღვაო პორტის გენერალურმა დირექტორმა დანიარ მუხამედ რახიმმა, განცხადება დაწერა თანამდებობის დატოვების შესახებ.
ინფორმაციას ამის შესახებ ბათუმის საზღვაო ნავსადგური ავრცელებს.
ადმინისტრაციის განმარტებით, ამის მიზეზი პორტის თანამშრომლების ჯანმრთელობის გაუარესება გახდა, რომლებმაც ოთხი დღის წინ დირექტორის გადადგომის მოთხოვნით შიმშილობის აქცია დაიწყეს. ისინი პორტში დაგეგმილ რეორგანიზაციას აპროტესტებდნენ.
როგორც პორტის ადმინისტრაცია იუწყება, თანამშრომლებმა საპროტესტო აქცია და შიმშილობა შეწყვიტეს.
https://batumelebi.netgazeti.ge/news/127998/
