აჭარის მთავრობა არემონტებს ბათუმში, კომახიძის ქუჩაზე მდებარე მთავრობის შენობას, რომელშიც სამი სამინისტროა განთავსებული. გამონაცვალ, მეორად მასალებს კი აუქციონზე ყიდის. შენობის გარემონტებაში აჭარის მთავრობა ბიუჯეტიდან 265 392 ლარს დახარჯავს.
აჭარის ფინანსთა და ეკონომიკის სამინისტრო აჭარის საკუთრებაში არსებულ 12 მეორად მეტალოპლასტმასის კარს, 9 მეორად ფაიფურის პირსაბანს და 153 მეორად თუნუქის ფირფიტას ერთ ლოტად, უპირობო ელექტრონულ აუქციონზე ყიდის.
ქონების საწყისი გასაყიდი ფასი 1100 ლარია, ბიჯი – 30 ლარი.
აუქციონში გამარჯვებულმა თანხა აუქციონის დამთავრებიდან ერთი თვის განმავლობაში უნდა გადაიხადოს.
გასაყიდი ქონება / ფოტო აუქციონის ვებგვერდიდან
მთავარი ფოტო: აუქციონზე გატანილი პირსაბანი / ფოტო ელექტრონული აუქციონის ვებგვერდიდან
https://batumelebi.netgazeti.ge/news/125127/
