საკურას ყვავილობა იაპონიაში


იაპონელებს მიაჩნიათ, რომ გაზაფხული საკურას ყვავილობით იწყება. იაპონური ალუბალი დაახლოებით ერთი კვირის განმავლობაში ყვავის და მთელ მსოფლიოში ერთ-ერთ ყველაზე შთამბეჭდავ სეზონურ დღესასწაულად მიიჩნევა.

იაპონიაში ყოველი წლის გაზაფხულზე ადგენენ საკურას ყვავილობის რუკასა და პროგნოზს, სადაც ზუსტადაა აღნიშნულია, რომელ ქალაქში როდის ყვავის ალუბალი.

იაპონიაში დღესასწაულია საკურას ყვავილობის დასაწყისიდან ბოლო ყვავილების დაცვენამდე. პირველი ყვავილობის დღეს ინიშნავენ, როცა ხის 5-6 კვირტი მაინც იშლება, ამ დღიდან ერთ  კვირაში საკურა სრულ ყვავილობას იწყებს, ასეთ დღეებში ყველა ბაღებს მიაშურებს, ეწყობა პიკნიკები და სახალხო სეირნობები. საკურას სრულ ყვავილობად ითვლება დღეები, როცა ხის კვირტების 80 % უკვე გაშლილია.

საკურას ვარდისფერი ყვავილობა მარტის შუა რიცხვებიდან იწყება და პიკს ძირითადად 23-30 მარტს აღწევს.

ფოტო: kyuhoshi.com

ფოტო: jrailpass.com

ფოტო: jrailpass.com

ფოტო: jrailpass.com

საკურა იაპონელებისთვის უმნიშვნელოვანესი მცენარეა, მისი ყვავილი 100 იენის მონეტაზეც კი არის გამოსახული.

ფოტო: ვიკიპედია

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან