ფადიკო გოგიტიძე პირველი ქართველი მფრინავი ქალია. იგი 1916 წელს ქობულეთში დაიბადა. 1936 წელს დაამთავრა თბილისის საფრენოსნო სკოლა. როგორც გაზეთი “საბჭოთა აჭარა” 1936 წლის აგვისტოს ნომერში წერდა, ფადიკო გოგიტიძეს საფრენოსნო საქმე ერთ წელში უნდა შეესწავლა: „ერთ წელში უნდა დაუფლებოდა მანქანის მართვას. ერთ წელში უნდა გამხდარიყო მფრინავი… ჯერ ერთი წელი არ იყო მოთავებული, რომ ფადიკო გოგიტიძე უკვე დამოუკიდებლად ფრენდა, დამოუკიდებლად მართავდა ფოლადის შევარდენს, მართავდა საოცარის სიზუსტითა და სილამაზით”.
„მათ ვაჟკაცურად გადმოეფრინათ სურამის დანისლული უღელ-ტეხილი და სწორედ დანიშნულ დროისთვის ბათომს დაეშვენ” – წერდა „საბჭოთა აჭარა”.
ფადიკო გოგიტიძემ თბილისის საფრენოსნო სკოლის დამთავრების შემდეგ მუშაობა დაიწყო ბათუმის აეროკლუბში ინსტუქტორად. ბათომში აეროკლუბი მოსახლეობის მიერ ნებაყოფლობით შეგროვებული თანხებით მოეწყო. აქ ხდებოდა მფრინავთა, პლანეტართა, პარაშუტისტთა და ავია-მოდელისტთა კადრების მომზადება „წარმოებიდან მოუწყვეტლად“.
ადამიანები საშუალოდ 20-50 მანეთს დებდნენ ბათუმში აეროკლუბისა და აჭარაში საავიაციო სპორტის განვითარებისთვის, გამოწვევის სახით, მათ მეგობრებს ასახელებდნენ:
ფადიკო გოგიტიძე 24 წლის ასაკში დაიღუპა ბათუმში საცდელი ფრენისას, ყოფილი აეროდრომის ტერიტორიაზე.
2013 წელს ბათუმის აეროპორტის შესასვლელთან გადაიტანეს მისი ბიუსტი. ბათუმში არის მისი სახელობის ქუჩაც.
