Batumelebi | შსს: ხელვაჩაურში ახალშობილი დაკრძალულია, გამოძიება უკანონო აბორტზე მიმდინარეობს შსს: ხელვაჩაურში ახალშობილი დაკრძალულია, გამოძიება უკანონო აბორტზე მიმდინარეობს – Batumelebi
RU | GE  

შსს: ხელვაჩაურში ახალშობილი დაკრძალულია, გამოძიება უკანონო აბორტზე მიმდინარეობს

შს სამინისტროს ინფორმაციით, ხელვაჩაურის ერთ-ერთ სოფელში ახალშობილი არ დაკარგულა, იგი პოლიციას სახლში გარდაცვლილი დახვდა. შსს-ში „ბათუმელებს“ უთხრეს, რომ გარდაცვლილ ახალშობილს უკვე ჩაუტარდა ექსპერტიზა და იგი ოჯახმა დაკრძალა.

სიუჟეტი ხელვაჩაურის ერთ-ერთ სოფელში ახალშობილის გაუჩინარების შესახებ ტელეკომპანია „რუსთავი 2“-ის ეთერში გუშინ, 20 თებერვალს გავიდა. სიუჟეტის თანახმად, 20 წლის სტუდენტმა გოგომ სახლში, მალულად იმშობიარა, ახალშობილი კი ვერ იპოვეს. მისი ფეხმძიმობის შესახებ ოჯახის წევრებმა არ იცოდნენ.

შს სამინისტროს ინფორმაციით, გამოძიება სისხლის სამართლის 133-ე  მუხლით მიმდინარეობს, უკანონო აბორტი – ისჯება საზოგადოებისათვის სასარგებლო შრომით ვადით ას ოციდან სამას საათამდე ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ერთიდან ორ წლამდე.

მშობიარობის შემდგომ გოგო კლინიკა „მედინაში“ გადაიყვანეს. „მედინას“ ხელმძღვანელი, მეან-გინეკოლოგი ჯუმბერ უნგიაძე ამბობს, რომ ბავშვის წონიდან გამომდინარე ეს აბორტი ვერ იქნებოდა:

„ბავშვის წონა, როგორც მაცნობეს, 3,600 იყო და როგორ შეიძლება ეს აბორტი ყოფილიყო. 500 გრამზე მეტი უკვე ითვლება, რომ მშობიარობაა. მეცხრე თვეში იყო თუ არა პაციენტი, რთული სათქმელია, მაგრამ დროული ბავშვი იყო“.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com