ხულოს მერმა, გოჩა მელაძემ, მოადგილის პოზიციაზე პროფესიით იურისტი, დავით ვანაძე დანიშნა. დავით ვანაძის დანიშვნის ბრძანებას ხელი მერმა დღეს, 19 თებერვალს, მოაწერა.
ხულოს მერიის, საზოგადოებასთან ურთიერთობის სამსახურის უფროსის, თორნიკე მიქელაძის ინფორმაციით, დავით ვანაძე 2009 წელს შპს „ტექსტილში“ იურისტად მუშაოდა, 2010-2015 წლებში საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის აჭარა-გურიის სამმართველოს ინსპექტორ-გამომიძიებელის თანამდებობა ეკავა, ხოლო 2015 წლიდან დღემდე სახელმწიფო უსაფრთხოების სამსახურის ანტიკორუფციული სააგენტოს აჭარის რეგიონალური სამმართველოს უფროსი ინსპექტორი იყო.
მარცხნიდან: დავით ვანაძე, გოჩა მელაძე და ლაშა ბოლქვაძე [მერის პირველი მოადგილე] / ფოტო: ხულოს მერია
