მელიქიშვილის ქუჩაზე დაახლოებით 40 წლის მამაკაცი დაჭრეს. სასწრაფო-სამედიცინო სამსახურის წარმომადგენლებს დაჭრილმა უთხრა, რომ მას უცნობი პირი მოულოდნელად თავს დაესხა და წელსქვემოთ დანით დაჭრა. სამედიცინო ბრიგადამ დაშავებული ბათუმის რეფერალურ ჰოსპიტალში გადაიყვანა.
შინაგან საქმეთა სამინისტროს ინფორმაციით, დაწყებულია გამოძიება ჯანმრთელობის განზრახ ნაკლებად მძიმე დაზიანების მუხლით. ამ დროისთვის დაკავებული არავინ არის.
