ქობულეთის მუნიციპალიტეტში, სოფელ ქობულეთში, „ლიბერთი ბანკის“ ფილიალი გაქურდეს. შემთხვევა რამდენიმე დღის წინ მოხდა.
„ორშაბათს დილით ვნახეთ, რომ ბანკის ფანჯარა ჩამტვრეული იყო. როგორც ვიცი, წაღებულია ელექტროღუმელი და პრინტერი. ფული არ არის წაღებული,“ – გვითხრა ქობულეთის მერის რწმუნებულმა სოფელ ქობულეთში, სულხან შავიშვილმა.
შინაგან საქმეთა სამინისტრო ინფორმაციას იმის შესახებ, რომ ბანკიდან მხოლოდ პრინტერი და ელექტროღუმელია წაღებული, ადასტურებს. დაწყებულია გამოძიება ქურდობის მუხლით. ამ დროისთვის დაკავებული არავინს არის.
