ბათუმის საკრებულოში ხვალ, 15 თებერვალს დაგეგმილ სხდომაზე საკრებულოს იმ წევრების უფლებამოსილების ხარჯის გაზრდაზე იმსჯელებენ, რომლებსაც საკრებულოში რაიმე თანამდებობა არ უკავიათ. ამ დრომდე საკრებულოს თანამდებობის არმქონე პირი, უფლებამოსილების განხორციელების ხარჯის სახით, თვეში 400 ლარს იღებდა. დაგეგმილი ცვლილების დამტკიცების შემთხვევაში, ეს თანხა 600 ლარამდე გაიზრდება.
კანონმდებლობით საკრებულოს იმ წევრისთვის , რომელიც არ არის თანამდებობის პირი ხარჯების ასანაზღაურებლად გაცემული თანხა ყოველთვიურად არ უნდა აღემატებოდეს ამ მუნიციპალიტეტის საკრებულოს თავმჯდომარის თანამდებობრივი სარგოს მაქსიმალური ოდენობის 15 პროცენტს.
საკრებულოს თავმჯდომარის ხელფასი ამ დროისთვის 4500 ლარია. ბათუმის 25 წევრიან საკრებულოში 15 თანამდებობის პირია: თავმჯდომარე, ორი მოადგილე, ხუთი კომისისიის თავმჯდომარე, ოთხი ფრაქცია და სამი ფრაქციის თავმჯდომარის მოადგილე.
ამავე თემაზე: ბათუმის მერის ხელფასი 4500 ლარი იქნება
