საყოფაცხოვრებო ნარჩენებისთვის ქედის მერია 70 ურნას შეისყიდის და სოფლებში განათავსებს. ურნების შესაძენად ბიუჯეტიდან 50 ათასი ლარია გამოყოფილი.
440 კილოგრამის ტევადობის 70 ფოლადის ურნაზე სახელმწიფო შესყიდვა 7 თებერვალს გამოცხადდა.
ქედის სოფლებიდან საყოფაცხოვრებო ნარჩენები ქედის მერიის ბალანსზე არსებულ შპს „ქედის კომუნალურსერვისს“ გააქვს კვირაში ორჯერ ბათუმის ნაგავსაყრელზე გადააქვს.
სოფლებში საყოფაცხოვრებო ნარჩენების სამართავად ქედის მერიამ კონტეინერების განთავსება გასულ წელს დაიწყო.
ურნები ძირითადად სოფლისა და უბნის ცენტრებშია განთავსებული.
ტენდერი 16 თებერვალს დასრულდება.
