საქართველოს სტატისტიკის ეროვნული სამსახურის ინფორმაციით, 2017 წელს საქართველოში 4 მილიონ 21 ათასი დოლარის პიროტექნიკური ნაწარმი შემოვიდა, მათ შორის ფეიერვერკები, სასიგნალო შუშხუნები და სხვა. ყველაზე მეტი – მილიონ 982 ათასი დოლარის საქონელი, წლის მეოთხე კვარტალშია შემოტანილი.
ეს ბოლო ოთხი წლის განმავლობაში საქართველოში იმპორტირებული პიროტექნიკური ნაწარმის ყველაზე დიდი რაოდენობაა. საქსტატის მონაცემებით, 2016 წელს საქართველოში 3 მილიონ 922 ათასი დოლარის პიროტექნიკური ნაწარმი შემოვიდა, 2016 წელს – 3 მილიონ 662 ათასი დოლარის, თუმცა ყველაზე მეტი – 4 მილიონ 145 ათასი დოლარის ღირებულების პიროტექნიკური ნაწარმი ქართულ ბაზარზე 2013 წელს შემოვიდა.
საქართველოში შემოტანილი პიროტექნიკის მზარდი სტატისტიკის კვალდაკვალ იზრდება პიროტექნიკური ნაწარმით ახალი წლის დღეებში დაზიანების შემთხვევები, თუმცა პიროტექნიკური ნაწარმის რეალიზაციაზე არ ვრცელდება არც ერთი რეგულაცია, მისი გაყიდვა შეიძლება ყველგან და არ არის შეზღუდული მყიდველთა ასაკი.
ამავე თემაზე: „ათთეთრიანი „ხლაპუშკით“ დავღუპე შვილი“ – რატომ უნდა აიკრძალოს ასაფეთქებლები
წელს საქართველოს მთავრობას პეტიციით მიმართეს – გაკონტროლდეს პიროტექნიკის გაყიდვა, თუმცა ჯერჯერობით, პიროტექნიკასთან დაკავშირებულ რეგულაციას მთავრობა არ განიხილავს.
ამავე თემაზე: 111 დაშავებული და არც ერთი რეგულაცია – „რას ველოდებით?“
