საფეხბურთო კლუბ ქედის „ბეთლემს“ ახალი მთავარი მწვრთნელი ჰყავს. ეროვნულ, მესამე ლიგაში მოთამაშე საფეხბურთო კლუბის სპორტსმენების მწვრთნელი ირაკლი გოგიჩაიშვილი იქნება. გუნდის ყოფილი მწვრთნელი, ავთანდილ გოგიტიძე კი, საფეხბურთო კლუბის დირექტორის, სულხან ჯიჯავაძის ინფორმაციით, „დინამოში“ გადავიდა.
„ბეთლემში“ ამ დროისთვის ფეხბურთელთა ფორმირება მიმდინარეობს. სულხან ჯიჯავაძის თქმით, გუნდის საბოლოო შემადგენლობა ათ დღეში გახდება ცნობილი.
წელს საფეხბურთო კლუბ „ბეთლემს“ სახელფასო ბიუჯეტი გაუნახევრდა. გასულ წელს ხელფასებისთვის ბიუჯეტი 200 000 ლარი იყო, წელს ფეხბურთელების ანაზღაურებისთვის კი 100 000 ლარია გათვალისწინებული.
მთავარ ფოტოზე ქედის „ბეთლემი“
