ნეტგაზეთი • RU

ქობულეთის გამგეობა ამფითეატრის რეაბილიტაციას იწყებს

 

ქობულეთის მუნიციპალიტეტის გამგეობამ, ქობულეთის ცენტრალურ პარკში არსებულ  ამფითეატრის რეაბილიტაციისთვის გამარტივებული ელექტრონული ტენდერი გამოაცხადა.

 

სატენდერო პირობების მიხედვით ტენდერში გამარჯვებული პრეტენდენტი ვალდებულია სამშენებლო სამუშაოები, მშენებლობის ნებართვის გაცემიდან სამი დღის ვადაში დაიწყოს და  60 დღის განმავლობაში დაასრულოს. დასრულებული შენობის საბოლოო მიღება – ჩაბარების დროს კი გამგეობას, შესრულებული სამუშაოების ხარისხზე ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დასკვნა წარუდგინოს.

 

ამფითეატრის რებილიტაციისთვის გამარტივებული ელექტრონული ტენდერი ქობულეთის გამგეობამ 7 ივლის გამოცხადდა, პრეტენდენტთა წინადადებების მიღება 8 ივლისს დაიწყება და 10 ივლისს დღის 12 საათზე დასრულდება.

 

სამუშაოების შესყიდვის სავარაუდო ღირებულება 209 977 ლარია.

 

ქობულეთის გამგეობა

ნეტგაზეთის მასალების სხვა გამოცემებში გადაბეჭდვის წესი
ეკა ბრამიძე