სამშაბათს, დღის მეორე ნახევრიდან, ბათუმში გაწვიმდება. სინოპტიკოსების პროგნოზით, მომდევნო სამი დღის განმავლობაში სანაპირო ზოლში იწვიმებს, მთაში – ითოვებს. ძლიერი წვიმა პარასკევს, 22 დეკემბერს იქნება.
აჭარის გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, სანაპირო ზოლში ჰაერის საშუალო ტემპერატურა დღისით 10 -15 გრადუსი იქნება, ღამით 3- 8 გრადუსი სითბო. მთაში დღისით 3-8 გრადუსი სითბო იქნება, ღამით 0 – 5 გრადუსი ყინვა.
სინოპტიკოსების პროგნოზით, მომდევნო დღეებში იქროლებს ქარი – საშუალოდ 10-15 მეტრი წამში.
