Batumelebi | შსს: გამოძიება სახანძრო უსაფრთხოების წესის დარღვევის მუხლით მიმდინარეობს შსს: გამოძიება სახანძრო უსაფრთხოების წესის დარღვევის მუხლით მიმდინარეობს – Batumelebi
ნეტგაზეთი • RU

შსს: გამოძიება სახანძრო უსაფრთხოების წესის დარღვევის მუხლით მიმდინარეობს

შინაგან საქმეთა სამინისტროს განცხადებით, ბათუმში, სასტუმრო ლეოგრანდში გაჩენილი ხანძრის შედეგად, გარდაცვლილია 11 ადამიანი, მათ შორის, 10 საქართველოს, ხოლო 1 ირანის რესპუბლიკის მოქალაქე. ეს მონაცემები შსს-ს ინფორმაციით არ შეცვლილა.

სასტუმროში ამ დრომდე მუშაობენ ექსპერტ-კრიმინალისტები, ადგილზეა სამაშველო და საპატრულო პოლიციის ეკიპაჟები.

სასტუმროში მომხდარ ფაქტთან დაკავშირებით, გამოძიება საქართველოს სისხლის სამართლის კოდექსის 243-ე მუხლის მე-3 ნაწილით მიმდინარეობს.

სსკ-ის 243-ე მუხლის მე-3 ნაწილი:
სახანძრო უსაფრთხოების წესის დარღვევა იმის მიერ, ვისაც ამ წესის დაცვა ევალებოდა, რამაც გამოიწვია ორი ან მეტი ადამიანის სიცოცხლის მოსპობა ან სხვა მძიმე შედეგი, ისჯება თავისუფლების აღკვეთით ვადით ხუთიდან რვა წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

ხანძარი სასტუმრო ლეოგრანდში გუშინ, 24 ნოემბერს გაჩნდა.

პრემიერი ლეოგრანდის ხანძართან დაკავშირებით: ამას მოჰყვება უმკაცრესი რეაგირება

მკურნალობის კურსს ხანძრის შედეგად დაშავებული რვა პაციენტი გადის

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com