ნეტგაზეთი • RU

სადღესასწაულო პრემიები მუნიციპალიტეტებში

 

შუახების საკრებულოს თავმჯდომარემ ნოდარ ქრცივაძემ, სააღდგომოდ  პრემიისა და ხელფასის სახით  5 200 ლარი აიღო.  საკრებულოს თავმჯდომარე ამბობს, რომ მისი ხელფასი თვეში 2 600 ლარია.  ხელვაჩაურის საკრებულოს თავმჯდომარე კი ამბობს, რომ  არა კვარტალური, არამედ სადღესასწაულო პრემია აიღო. სადღესასწაული პრემიები ქედაში და ხელვაჩაურშიც აიღეს. 

 

„ჩვენთან ოთხი პრემიაა წლიურად  გათვალისწინებული. ორი კვარტლის პრემია, მთლიანად გავეცით“, – ამბობს ის.

 

ხელვაჩაურის მუნიციპალიტეტის საკრებულოს თავმჯდომარე ჯუმბერ ბერიძე კი ამბობს, რომ სააღდგომოდ პრემიის სახით, ხელზე – 1 800  ლარი აიღო. მისი ყოველთვიური ანაზღაურება ხელფასისი სახით 2 600 ლარია.

 

„ეს იყო სადღესასწაულო პრემია, კვარტალური ცალკეა, ის მარტში იყო.  ჩვენ უფლება გვაქვს წელიწადში სამჯერ ავიღოთ დღესასწაულზე პრემია. სააღდგომოს გარდა, შეგვიძლია აგვისტოში მარიამობის და ნოემბერში გიორგობის დღესასწაულზეც ავიღოთ. ვნახოთ, როგორ იქნება. თუ ხელფასები გაიზრდება, შეიძლება საერთოდ გავაუქმოთ პრემია“.

 

სადღესასწაული პრემიები გაიცა ქედაშიც. თუმცა, სხვა მუნიციპალიტეტებისგან განსხვავებით, ქედაში ამბობენ, რომ ისინი კვარტალურ პრემიას აღარ ელოდებიან. „კვარტალური პრემია არ მიგვიღია, სადღესასწაულო პრემია გაიცა სააღდგომოდ, ხელფასის 50 პროცენტი იყო პრემია.  გარდა ამისა, კიდევ ერთი პრემიის აღების უფლება გვაქვს, როდის იქნება არ ვიცი“, – ამბობს ის.

 

ამირან ცინცაძე ამბობს, რომ მისი ყოველთვიური ხელფასი 2 ათასი ლარია, პრემიის სახით კი  ხელზე ათასი ლარი აიღო.

 

 

ქედა

 

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე