Batumelebi | უფასო სამედიცინო აქცია სოფელ ცხმორისში უფასო სამედიცინო აქცია სოფელ ცხმორისში – Batumelebi
RU | GE  

უფასო სამედიცინო აქცია სოფელ ცხმორისში

 

პარასკევს, 27 მარტს, 11:00 საათზე, ქედის მუნიციპალიტეტის ცხმორისის თემში ბათუმის N1 პოლიკლინიკა უფასო სამედიცინო აქციას ჩაატარებს. 

 

ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის, და ექოსკოპისტის კონსულტაციის მიღება ადგილობრივ მოსახლეობას მთელი დღის განმავლობაში შეეძლება.

 

ასევე ჩატარდება რამდენიმე სახის სამედიცინო კვლევა. აქცია აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და ქედის მუნიციპალიტეტის მხარდაჭერით გაიმართება.

 

მორიგ უფასო სამედიცინო აქციას 4 აპრილს, „საოჯახო მედიცინის რეგიონული ცენტრის“ მედიკოსები ხულოს მუნიციპალიტეტის სხალთის თემში ჩაატარებენ.

ინფორმაცია „ბათუმელებს“ ჯანდაცვის სამინისტროს პრესსამსახურის ხელმძღვანელმა ლიზა თედორაძემ მიაწოდა. 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე