Batumelebi | გონიოს მიტინგმა საკრებულოს თავმჯდომარე ჩამოაქვეითა გონიოს მიტინგმა საკრებულოს თავმჯდომარე ჩამოაქვეითა – Batumelebi
ნეტგაზეთი • RU

გონიოს მიტინგმა საკრებულოს თავმჯდომარე ჩამოაქვეითა

სოფელ გონიოში ნაციონალების მხარდამჭერთა მიტინგი საკრებულოს თავმჯდომარეს თანამდებობის დატოვების ფასად დაუჯდა. თავად ზურა კახიძის თქმით, „არანაირი ზეწოლა არ ყოფილა, საკუთარი განცხადების საფუძველზე გადავდექი, გადავიღალე. დღეს ხელისუფლებაში მუშაობა, სოციალურად გაჭირვებულ მოსახლეობასთან ურთიერთობა, ძალიან ძნელია, უამრავი პრობლემაა გადასაწყვეტი“. თუმცა, ყოფილი საკრებულოს თავჯდომარე ისევ საკრებულოს თანამშრომლად  რჩება, ამ დღეებში გადაწყდება მისი მოადგილედ დანიშვნის საკითხი.

„გაზეთი ბათუმელები“ ახალ თავმჯდომარეს სიმონ ზაქარაძესაც გაესაუბრა, რომელმაც გამორიცხა ნაციონალების დროშის კულტურის სახლის შენობაზე ატანა: „კულტურის სახლის შენობის თავზე დროშები არ ყოფილა, ეზოში ეჭირათ. ჯამბულ ბერიძე და კაკაბაძე (სახელი არ მახსოვს) შემდეგ მოვიდნენ ჩემთან და მომიბოდიშეს, შეგვეშალაო“.

მიტინგი ახალსოფელშიც იყო დაგეგმილი, მაგრამ მისი ჩატარება ვერ მოხერხდა. რადგანაც ხელვაჩაურის რაიონის გამგეობის წარმომადგენლები და საკრებულოს თავმჯდომარე დანიშნული მიტინგის ადგილზე დროულად აღმოჩნდენ.

ნეტგაზეთის მასალების სხვა გამოცემებში გადაბეჭდვის წესი
მაკა მალაყმაძე