დღეს, 26 დეკემბერს, ქედის მუნიციპალიტეტის სოფელ ვაიოში ადგილობრივი ხელისუფლების წარმომადგენლებმა, განათლებისა და ჯანდაცვის მინისტრებთან ერთად, 50 აღსაზრდელზე გათვლილი საბავშვო ბაღის შენობა გახსნეს.
საბავშვო ბაღში 17 ადგილობრივი დასაქმდა. ბაღი ზვარის თემის ოთხ სოფელს მოემსახურება.
ამ დროისთვის ქედაში 11 საბავშვო ბაღია, აქედან ორი მიმდინარე წელს გაიხსნა. ქედის მუნიციპალიტეტის გამგებლის დავით დუმბაძის განცხადებით, ქედაში მალე ორი ბაგა-ბაღი, დაბა ქედისა და დოლოგნის ბაღები გაიხსნება.
