მთიანი აჭარა

”დაგვეხმარეთ!”- ხმა ხის ქოხიდან

28.11.2014 • 1368
”დაგვეხმარეთ!”- ხმა ხის ქოხიდან

 

 

რამდენიმე დღის წინ ნატროს საცხოვრებელი სახლის სახურავის მცირე ნაწილი მუნიციპალიტეტის გამგეობამ მეორადი სახურავით გადახურა, თუმცა, როგორც ნატრო ამბობს, სახლში წვიმის დროს ისევ ჩამოდის წყალი, რადგან სახურავის დანარჩენი ნაწილი შესაცვლელია. „გამგებელს ვთხოვე სახლის გამაგრება, რამდენიმე დღის წინ მოვიდნენ და სახლის სახურავის ნაწილი მეორადი სახურავით გადამიხურეს, დანარჩენი შესაცვლელია”, – ამბობს ნატრო.



ნატროს ქმარი, გურამ აბაშიძე, ოთხი წლის წინ ტრაგიკულად დაიღუპა. სამ მცირეწლოვან ბავშვს ნატრო ზრდის, უმცროსი, შორენა ცხრა წლისაა, უფროსი, მალვინა კი- 14 წლის. ოჯახი თავს პენსიითა და საარსებო შემწეობით ირჩენს. “სამი გოგონა მყავს, მალვინა, მარიკა და შორენა, სკოლის მოსწავლეები არიან. ბავშვებს მარტო ვზრდი, ჩემი მშობლები და მეზობლებიც მეხმარებიან, მაგრამ სხვას რამდენჯერ შეაწუხებ. დახმარება და პენსია გვაქვს, თუმცა მე ჩემი პენსია წამლებში არ მყოფნის. ჩვენი მთავარი პრობლემა სახლია, ხელისუფლებას დახმარებას ვთხოვ, სახლს გამაგრება სჭირდება, წვიმის დროს გარეთ ვერ გახვალ, სახლის მიმდებარე ტერიტორია იტბორება, წელს მაშველების გამოძახებაც მომიხდა, ისეთი საშინელი მდგომარეობა იყო’’, – ამბობს ნატრო.



ნატრო 40 წლისაა. ეპილეფსიით შვიდი წლისწინ დაავადდა. მას შემდეგ, ყოველწლიურად, გაზაფხულზე, ბილისში ჩადის ექიმთან. როგორც ნატროს დედა, ქალბატონი ჟუჟუნა ამბობს, სამკურნალოდ ნატრო თბილისში მას დაჰყავს. „ექიმმა მითხრა, თუ დანიშნულებით გამოწერილ წამლებს ყოველდღიურად არ მიიღებს, დაიღუპებაო. მარტოც არ დაიტოვება, ვერ ვტოვებთ, ხშირად კარგავს გონებას, სამჯერ კლინიკური სიკვდილი აქვს გადატანილი. ახლა მეც ავად ვარ, პარალიჩი მივიღე და დასახმარებელი მე გავხდი’’,- ამბობს ნატროს დედა.


„ფიზიკური შრომა არ შემიძლია, ამ ბოლოს რომ გავითიშე, სახლში მარტო ვიყავი და ღუმელს დავეცი, ხელი დავიწვი’’, _ მეუბნება ნატრო და დამწვარ ხელს მაჩვენებს. მიუხედავად იმისა, რომ ქედის მუნიციპალიტეტში ეპილეფსიით დაავადებულთა მიზნობრივი პროგრამა მოქმედებს, რომლის ფარგლებში ქედაში მცხოვრები 79 ბენეფიციარი მკურნალობისთვის საჭირო მედიკამენტებს უფასოდ იღებს, ნატრო მუნიციპალურ პროგრამაში ვერ მოხვდა. ის ამბობს, რომ გამგეობის ჯანდაცვის სამსახურს მიმართა და შესაბამისი ცნობა წარუდგინა, თუმცა ჯანდაცვის სამსახურის უფროსმა დავით თედორაძემ უთხრა, რომ წამლები, რაც მას ესაჭიროება, პროგრამით არ გაიცემა. ძვირადღირებულ და სიცოცხლისთვის აუცილებელ მედიკამენტებს ნატრო საკუთარი პენსიითა და საარსებო შემწეობით ყიდულობს. ამბობს, რომ თვეში მინიმუმ 200 ლარის წამალი სჭირდება, ,,კონვულექსი’’და ,,კლონაზეპამი’’.

 

ქედის მუნიციპალიტეტის ჯანდაცვის სამსახურის უფროსი დავით თედორაძე ამბობს, რომ ოჯახს გეოლოგიური დასკვნის შესაბამის დახმარებას გაუწევენ, რაც შეეხება ეპილეფსიის პროგრამაში ნატრო შილაძის ჩართვას, სამსახურისუფროსის თქმით, პროგრამის ფარგლებში მხოლოდ ორი დასახელების მედიკამენტი გაიცემა. „ეპილეფსიით დაავადებული ყველა ადამიანი, რომელმაც მოგვმართა განცხადებით და წარმოადგინა შესაბამისი ცნობა, სარგებლობს პროგრამით და მედიკამენტებს უფასოდ იღებს.

 

პროგრამის ფარგლებში ძირითადად ორი დასახელებისმედიკამენტი (კარბამაზეპინი, დეპაკინი) გაიცემა. წამლის სახეობა ჯანდაცვის სამინისტროსმითითებით შეირჩა, რადგან ეპილეფსიითდაავადებულები ძირითადად ამ მედიკამენტებსიღებენ. თუ ნატროს იმავე ქიმიურიშემადგენლობის მედიკამენტი სჭირდება, პროგრამაშიჩავსვამთ, სხვა ქიმიური შემადგენლობისწამალი პროგრამით არ გაიცემა. რაც შეეხებასაცხოვრებელ სახლს, ვიცით მდგომარეობა,სახლის მიმდებარე ტერიტორია იტბორება,გეოლოგები ამ კვირაში შეისწავლიან ვითარებას,დაიდება შესაბამისი დასკვნა – მუნიციპალიტეტისშესაბამისი კომისია იმსჯელებს,თუ რა სახის დახმარება უნდა გაეწიოს ამოჯახს’’, – ამბობს დავით თედორაძე.

 

ნატროს მუნიციპალიტეტის დახმარების იმედიაქვს. ზამთარი ახლოვდება და ფარღალალასახლში, სამ ბავშვთან ერთად მისი ყოფა კიდევუფრო მძიმე გახდება, რადგან ხისგან ნაშენისახლის კედლები საძირკველს მოშლილია დაქარის, წვიმისა და სიცივისგან ოჯახს ვერ იცავს.ნატრო ჭიშკრამდე მაცილებს და ოჯახის გასაჭირზემიამბობს.


წამოსვლისას 9 წლის შორენამიახლოვდება და ხმადაბლა მეუბნება: “გთხოვთ,დაგვეხმარეთ”.

გადაბეჭდვის წესი