Batumelebi | ხელვაჩაურში მეწყერმა ერთი მოსახლე დააზარალა ხელვაჩაურში მეწყერმა ერთი მოსახლე დააზარალა – Batumelebi
RU | GE  

ხელვაჩაურში მეწყერმა ერთი მოსახლე დააზარალა

 

ხელვაჩაურის მუნიციპალიტეტ სოფელ კიბეში კლდიდან მონგრეულმა ქვამ  ჩოხარაძეების სახლი დაანგრია. შემთხვევა გუშინ გვიან ღამით მოხდა.  ამ დროს სახლში ოჯახის რამდენიმე წევრი იმყოფებოდა, მათ შორის მცირეწლოვანი ბავშვები. მომხდარის შედეგად არავინ დაშავებულა. 

 

შემთხვევის ადგილზე გეოლოგები და ხელვაჩაურის მუნიციპალიტეტის გამგებელი  ნადიმ ვარშანიძე იმყოფებოდა.

 

„ოჯახის წევრები გავაფრთხილეთ რომ არ შევიდნენ სახლში რადგან იქ ცხოვრება არ შეიძლება. ერთი-ორი დღე ალბათ ნათესავებში იქნებიან. მერე სადაც ეს ოჯახი მონახავს საცხოვრებელ ადგილს ერთი-ორი თვით გადავუხდით ქირას,“ – განაცხდა ხელვაჩაურის გამგებელმა ნადიმ ვარშანიძემ.

 

გამგებლის თქმით ადგილზე მუშაობენ გეოლოგები, მუნიციპალიტეტისა და სამთავრობო კომისია. ისინი შეისწავლიან მომხდარ ფაქტს, დაიდება დასკვნა, რომლის მიხედვით მთავრობა შემდგომში შეძლებს დახმარებას. მისივე ინფორმაციით სახლის გარეშე დარჩენილი ჩოხარაძეების 6 სულიანი ოჯახი ამჟამად ნათესავებთან აფარებს თავს.

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი