აჭარის სოფლის მეურნეობის სამინისტრო, სურსათის უვნებლობის ეროვნულ სააგენტოსთან ერთად, აჭარაში პესტიციდებისა და აგროქიმიკატების რეალიზაციის წერტილების მონიტორინგს იწყებს. სპეციალისტები შეამოწმებენ რა პირობებში იყიდება პრეპარატები და მოსახლეობას რეკომენდაციებს მისცემენ.
დაბალი ხარისხის პესტიციდების თემაზე მაღალმთიანი აჭარის მოსახლეობამ შენიშვნები აჭარის სოფლის მეურნეობის მინისტრ ლაშა კომახიძეს წელს, მარტში გააცნო. ქედელმა ფერმერებმა მინისტრთან შეხვედრისას ძირითად პრობლემად უხარისხო შხამ-ქიმიკატები და პესტიციდები დაასახელეს. მათი თქმით, რეალიზაციაში არსებული შხამ-ქიმიკატები მცენარესა და მოსავალს ანადგურებს და მინისტრს პრობლემის მოგვარების მიზნით პესტიციდებზე კონტროლის მექანიზმის აღსრულება სთხოვეს.
აჭარის სოფლის მეურნეობის სამინისტროს ინფორმაციით, აჭარაში 15-მდე სავაჭრო ობიექტია, რომლებსაც პესტიციდებისა და აგროქიმიკატების რეალიზაციის ლიცენზია აქვს. გარემოვაჭრეთა რაოდენობის შესახებ კი ზუსტი ინფორმაცია სამინისტროსა და სურსათის ეროვნულ სააგენტოს არ გააჩნია.
მონიტორინგის პროცესში სამინისტრო შესაწამლი პრეპარატების შესახებ მოსახლეობას რეკომენდაციებსაც მისცემს პრეპარატების გამოყენებისა და შენახვის წესის შესახებ.
ამავე თემაზე:
ფერმერები მთავრობისგან შხამ-ქიმიკატებისა და პესტიციდების ხარისხის გაკონტროლებას ითხოვენ
რა პრობლემების მოგვარება სთხოვა ქედის მოსახლეობამ დავით გაბაიძეს
![არჩილ ხაბაძე და მისი პარტნიორის კომპანია კვარიათში ახალი კომპლექსის აშენებას გეგმავენ [ფოტო]](https://batumelebi.netgazeti.ge/wp-content/uploads/2026/06/gumbatis-axaali-1.jpg "არჩილ ხაბაძე და მისი პარტნიორის კომპანია კვარიათში ახალი კომპლექსის აშენებას გეგმავენ [ფოტო]")
