სოფელ წონიარისში, ხანძრის შედეგად დაზარალებულ გოგიტიძეების ხუთსულიანი ოჯახი, სამინისტროს 25 000-ლარიანი პროგრამით ისარგებლებს.
ქედის გამგეობის ჯანდაცვის სამსახურის უფროსი, დავით თედორაძე ამბობს, რომ ხანძრით დაზარალებულ ოჯახებს ქედის გამგეობა სახლის ასაშენებლად ფინანსურად ეხმარება მაგრამ, რადგანაც გოგიტიძეების ყოფილ საცხოვრებელ ტერიტორიაზე გეოლოგიური დასკვნით სახლის აშენება არ შეიძლება, სტიქიით დაზარალებული ეს ოჯახი საცხოვრებელი სახლით დაკმაყოფილდება.
„ოჯახმა სურვილი გამოთქვა და სახლის მაძიაბელეთა პროგრამაში ჩაერთობა, საცხოვრებელი ფართობით დაკმაყოფილებამდე მუნიციპალიტეტის გამგეობა მათ ბინის ქირას გადაუხდის,“ – ამბობს დავით თედორაძე.
გოგიტიძეების ხუთსულიან ოჯახს საცხოვრებელი სახლი 6 აპრილს დაეწვა, ოჯახმა საყოფაცხოვრებო ნივთების გადარჩენა ვერ შეძლო. გამგეობამ მათ ბინა დაბა ქედაში დაუქირავა.
ხანძრის შედეგად დაზარალებული ოჯახი დღეს ქედის გამგებელმა მოინახულა და [მოსახლეობისა და საჯარო მოხელეებისგან შეგროვებული თანხით] საყოფაცხოვრებო ნივთები და საკვები პროდუქტები მიუტანა.
სოფო ხაბაზის ფოტო
