ტურისტები მახუნცეთის ჩანჩქერთან [ფოტორეპორტაჟი]

მახუნცეთის ჩანჩქერი / 5.04.2017 / ეკა ბარამიძის ფოტოები /

ფილიპინელი ჰილდა ნამური და პრისტი ბაროვაპო მახუნცეთის ჩანჩქერთან

მუხამედ არჯემალი და მისი ცოლი – ჰედა ალმეპერიე, საუდის არაბეთიდან. „ბათუმში სამი დღის წინ ჩამოვედით, მანადმე სამი დღით თბილისში ვიყავით, დღეს მახუნცეთიც ვნახეთ, გვირჩიეს გვენახა… განსაკუთრებით ლამაზი ბუნება გაქვთ,“ – ამბობს მუხამედი.

ტურისტები რუსეთიდან: ვენედიქტ დადიკინი, მეუღლესთან და შვილთან ერთად. ვენედიქტი პროფესიით ჟურნალისტია, ერთ-ერთ რუსულ ბეჭდურ გამოცემაში მუშაობს და უნივერსიტეტშიც ასწავლის. ამბობს, რომ რუსეთში დაბრუნების შემდეგ, პუბლიკაციის გამოქვეყნებას გეგმავს საქართველოზე.

სულეიმან ოსტუკი თურქეთიდანაა, ის 5 წელია ბათუმში, ერთ-ერთ სამშენებლო კომპანიაში მუშაობს.

ვიზიტორები საუდის არაბეთიდან.

მახუნცეთი, ჩანჩქერის ტერიტორიაზე შესასვლელი.

ადგილობრივები თამარის ხიდთან მისასვლელ გზაზე თაფლსა და ტკბილეულს – მურაბებს, ჯემებს, ტყლაპს, ჩირსა და ჩურჩხელას ყიდიან. აქ შეიძენთ საწებელსა და აჯიკასაც. 150-200 გრამამდე დაფასოებული მურაბა 3 ლარი, 300-480-გრამიანი ქილით თაფლი კი 10 ლარი ღირს.

მახუნცეთიის ჩანჩქერთან გასაყიდად გამოტანილი პროდუქციის დასახელება და ფასი რამდენიმე ენაზე დაწერილი, მათ შორის არაბულად.

მახუნცეთი, კაფე-ბარი მდინარე აჭარისწყლის ნაპირთან

ბათუმი-ახალციხის ცენტრალურ საავტომობილო გზის მიმდებარედ, საკუთარი სახლის ეზოში, კაფე-ბარი ასლან ფარტენაძეს აქვს გახსნილი. აქ ერთი ფინჯანი ყავა, ასევე ჩაი, 1 ლარი ღირს.

ტივი მდინარე აჭარისწყალზე, რომლითაც ტურისტებს ემსახურებიან / მახუნცეთი.

მახუნცეთი, თამარის ხიდი.

ინფრასტრუქტურული სამუშაოები მახუნცეთში.

მახუნცეთში მშენებარე სასტუმრო, რომელსაც უკრაინელი ინვესტორი აშენებს.

მახუნცეთი, თაღოვანი ხიდი.