დღეს 16 მარტს, ბათუმის რუსთაველის სახელობის უნივერსიტეტში, საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, სტუდენტებს შეხვდა.
საუბარი შეეხო ევროპასთან სავიზო რეჟიმის ლიბერალიზაციასთან დაკავშირებით სტუდენტების ინფორმირებას. შეხვედრა იმ კამპანიის ფარგლებში გაიმართა, რომელიც ითვალისწინებს საქართველოს მოსახლეობისთვის ინფორმაციის მიწოდებას შესაძლებლობებისა და ვალდებულებების შესახებ ინფორმირებულობას და ცნობიერების ამაღლებას.
შეხვედრის დროს, სტუდენტების მხრიდან კითხვები დაისვა შეჩერების მექანიზმებთან დაკავშირებით. უვიზო მიმოსვლის ვალდებულებების დეტალებზე და სამომავლო პერსპექტივებზე.
სტუდენტებს აინტერესებთან, იყო თუ არა აუცილებელი სასტუმროს ჯავშანის იმ შემთხვევაში, თუკი ახლობლის მოსანახულებლად მიდიხარ? ვიქტორ დოლიძის განმარტებით, ასეთ შემთხვევაში აუცილებელია მიუთითო იმ პირის რეკვიზიტები, ვისთანაც მიდიხარ. ვიქრტორ დოლიძის თქმით, უვიზო მიმოსვლის შეჩერების მექანიზმი რომ არ ამოქმედდეს, ამისთვის აუცილებელია ყველა საქართველოს ყველა მოქალაქემ, ვინც შენგენის ზონის ქვეყნებში მიემგზავრება ზედმიწევნით დაიცვას უვიზო მიმოსვლის მოთხოვნები. წინააღმდეგ შემთხვევაში, ქვეყანა დაკარგავს იმ შესაძლებლობას, რომელსაც წლების განმავლობაში ელოდებოდა.
უვიზო მიმოსვლის წესების დარღვევის შემთხვევაში, თუკი პირი 90 დღეზე მეტი ხნით დარჩება შენგენის ზონის ქვეყანაში, დაჯარიმდება და მას რამდენიმე წლით ამ ზონაში შევლა აეკრძალება.
სტუდენტების კითხვები შეეხო სასწავლო მიზნით ევროპის ქვეყნებში უვიზო მიმოსვლას და სხვა დეტალებს.
შეხვედრას ესწრებოდა უნივერსიტეტის რექტორი და აჭარის განათლების მინისტრი.
ბსუ-ს სტუდენტები, ვიქტორ დოლიძესთან შეხვედრაზე.
