დღეს, 29 ოქტომბერს, თურქეთის ცენტრალურ ნაწილში, კაპადოკიის ქალაქ გორემეში, ძლიერი წვიმის შედეგად ბუნებრივი ქვის სვეტიდან კლდის ნატეხები ჩამოიშალა, რასაც მსხვერპლი მოჰყვა.
თურქული ახალი ამბების სააგენტო „ანადოლუს“ ცნობით, შემთხვევის შედეგად 3 ადამიანი დაიღუპა და ხუთი დაშავდა. ოფიციალური ცნობების თანახმად, დაღუპულთაგან 2 თურქეთის მოქალაქეა, ერთი კი – უცხოეთის.
კლდის ნატეხები ჩამოცვივდა იმ ადგილას, სადაც ადამიანები იმყოფებოდნენ – ღია ცის ქვეშ არსებულ მუზეუმთან.
„ანადოლუ“ წერს, რომ ადგილობრივი ხელისუფლების ცნობით, შემთხვევა ძლიერი წვიმის შედეგად გამოწვეულმა მეწყრულმა პროცესებმა გამოიწვია.
_______________
ფოტო: სააგენტო „ანადოლუ“
