უკრაინის შეიარაღებული ძალების გენერალურმა შტაბმა დაადასტურა რუსეთში, ლიპეცკის ოლქის ქალაქ ელეცში მდებარე რუსული იარაღის ელექტროგადამცემი ელემენტების საამქროს დაზიანების ფაქტი.
„საწარმოს ტერიტორიაზე ხანძარი გაჩნდა. დაზიანება ართულებს რუსეთის არმიის მიერ რაკეტების, მართვადი ბომბების და სხვა იარაღის ენერგიის წყაროების წარმოებას“, – აცხადებს გენერალური შტაბი.
უკრაინის გენშტაბის ცნობით, აღნიშნული ქარხანა საჰაერო ბომბების დაგეგმვისა და კორექტირების მოდულების ელემენტების ერთადერთი მწარმოებელია და ასევე აწარმოებს „ისკანდერ-M“ ოპერატიულ-ტაქტიკური სარაკეტო სისტემებისა და საზღვაო ბაზირების ფრთოსანი რაკეტების ელემენტებს.
გენშტაბის განცხადებას წინ უძღოდა გავრცელებული ინფორმაცია იმის შესახებ, რომ ქარხანას, სავარაუდოდ, „შტორმ შადოუს“ ტიპის რაკეტებით დაესხნენ თავს.
ამავე დროს, უკრაინის გენერალურმა შტაბმა დაადასტურა ინფორმაცია რუსეთში მდებარე სხვა, სამხედრო წარმოებასთან დაკავშირებული ქარხნების დაზიანების შესახებაც.
