„ოცნების ქალაქში“ მცხოვრებლების ნაწილი ამ წუთებში აქციას მართავს. აქციის მონაწილეთა თქმით, „ენერგო-პრო ჯორჯიამ“ აქ მცხოვრებ 140-მდე ოჯახს ელექტროენერგია გაუთიშა.
„თითქმის ნახევარი საათი გადაკეტილი გვქონდა ბათუმი-ხელვაჩაურის ავტომაგისტრალი. ხელვაჩაურის პოლიციის უფროსმა გვითხრა, რომ რამდენიმე წუთში ჩაირთვება შუქი. თუ ასე არ მოხდა, ისევ გადავკეტავთ გზას… მიმდინარე გადასახადი გადახდილი გვაქვს და რაღაც ძველ დავალიანებას გვთხოვს მგონი კომპანია,“ – განაცხადა „ბათუმელებთან“ აქციის ერთ-ერთმა მონაწილემ.
„ოცნების ქალაქში“ მცხოვრებლებს ელექტროენერგიის მიწოდება გასულ წელსაც შეუწყვიტეს.
