ბათუმში, მემედ აბაშიძის 48 ნომერში არსებულ კერძო საცხოვრებელ სახლზე, ნინო ბურჯანაძის პარტიის, მაჟორიტარი კანდიდატის საარჩევნო პლაკატია გაკრული. შენობა არ შედის მუნიციპალიტეტის მიერ მიერ განსაზღვრული იმ შენობა-ნაგებობების ჩამონათვალში, სადაც დასაშვებია საარჩევნო სააგიტაციო მასალების განთავსება. საკრებულოების მიერ დადგენილი ნორმების მიხედვით, საარჩევნო პლაკატების გაკვრა აკრძალულია, კულტურული მემკვიდრეობის ძეგლებზე და ქალაქის ისტორიულ უბნებში.
ბათუმის მერიის ზედამხედველობის სამსახურის უფროსის, ზაალ მამუჭაძის განცხადებით, ზედამზეხველობის სამსახურიდან სამუშაო ჯგუფი გასულია ქალაქში და შედეგები, თუ რამდენი პარტია ან საარჩევნო სუბიექტი დაჯარიმდება კანონის დარღვევის გამო, რამდენიმე საათში გახდება ცნობილი.
„კანონი ითვალისწინებს ადმინისტრაციულ ჯარიმას. ჯარიმის ოდენობას განსაზღვრავს სასამართლო. ჩვენი ჯგუფი გასულია ქალაქში, ნაშუადღევს დაბრუნდება და გვეცოდინება, კანონდარღვევის რამდენი შემთხვევა იქნება გამოვლენილი. დაჯარიმდენა პარტია ან კანდიდატი“-ამბობს ზაალ მამუჭაძე.
დადგენილი ნორმის მიხედვით, საარჩევნო პლაკატები სპეციალურად გამოყოფილ ადგილბზე უნდა გამოიკრას. სპეციალური სტენდები ქალაქში რამდენიმე ადგილზეა განთავსებული.
ნინო ბურჯანაძის პარტიის მაჟორიტარი კანდიდატის საარჩევნო პლაკატი, ბათუმის ისტორიულ უბანში.
