დღეს, 14 ივნისს, გონიოში ავტოსაგზაო შემთხვევის შედეგად სამი ახალგაზრდა ქალი დაიღუპა.
პირველადი ინფორმაციით, მსუბუქი ავტომანქანა შეეჯახა ერთ-ერთი სახლის წინ მდგომ სატვირთო ავტომანქანას, რის შედეგადაც სამი ახალგაზრდა ქალი დაიღუპა. ამავე ავტომანქანაში მყოფი ორი პირი კი დაშავდა.
„ბათუმელების“ ინფორმაციით, დაშავებულები კლინიკაში არიან გადაყვანილი და მათი ჯანმრთელობის მდგომარეობა სტაბილურია.
ავტოსაგზაო შემთხვევის შესახებ ინფორმაციას შს სამინისტროში ადასტურებენ.
გამოძიება სისხლის სამართლის 276-ე მუხლით დაიწყო.
