ბათუმში დაკარგული მოზარდი ამ დრომდე ვერ იპოვეს.
მეცხრეკლასელი ალექსანდრე მიქელაძე 2025 წლის 16 იანვრის ღამეს, 22:00 საათის შემდეგ გაუჩინარდა.
მოზარდის პირადი ნივთები, ჩანთა და ტელეფონი, ოჯახის წევრებმა ზღვის სანაპიროზე აღმოაჩინეს. დაკარგულის ძებნა ზღვაში მიმდინარეობს.
როგორც საგანგებო სიტუაციების სამსახურში „ბათუმელებს“ უთხრეს, მოზარდის ძებნა ისევ გრძელდება.
დაკარგული მოზარდის მშობლის ინფორმაციით, გამოძიებას ამ დრომდე არ აქვს რაიმე ხელჩასაჭიდი ინფორმაცია, თუ რა გარემოებებში გაუჩინარდა მოზარდი.
ოჯახის თქმით, გაუჩინარებამდე მოზარდი ინგლისურის გაკვეთილსა და ვარჯიშზეც იმყოფებოდა, თუმცა შემდეგ მისი კვალი ზღვის სანაპიროსთან გაქრა.
მეცხრეკლასელი ალექსანდრე მიქელაძე 13 დღის წინ გაუჩინარდა.
_____________
მთავარი ფოტო: ბათუმში დაკარგულ მოზარდს, მყვინთავები ზღვაში ეძებენ.
