მე-19 დღეა, რაც ბათუმში საკონსტიტუციო სასამართლოს წინ საპროტესტო აქციები მიმდინარეობს. დღეს, 16 დეკემბერს, პოლიციამ აქციის მონაწილეებს არ მისცა ქუჩის გადაკეტვის შესაძლებლობა.
ბათუმის საპატრულო პოლიციის უფროსი ირაკლი დგებუაძე და აჭარის პოლიციის უფროსი გრიგოლ ბესელია საპროტესტო აქციის მონაწილეებს ტროტუარზე გადასვლას სთხოვდნენ.
საპროტესტო აქცია ბათუმში, 16 დეკემბერი, აქციის მე-19 დღე.
პროტესტის მე-20 დღე ბათუმში
პოლიცია არც ადგილზე მყოფ ჟურნალისტებს აძლევს მუშაობის საშუალებას და აიძულებს, ქუჩის მოპირდაპირე მხარეს გადავიდნენ.
აქციის მონაწილეების განცხადებით, პოლიცია პროვოკაციის მოწყობას ცდილობს.
„დაცული ხართ ზედმეტად. კანონს არღვევთ და ხელოვნურად კეტავთ გზას. მობრძანდით თუ გინდათ სამსახურში და ლექციებსაც ჩაგიტარებთ.“- უთხრა აქციის მონაწილეებს ირაკლი დგებუაძემ, ბათუმის საპატრულო პოლიციის უფროსმა.
გრიგოლ ბესელია და ირაკლი დგებუაძე აქციის მონაწილეებს ქუჩის გადაკეტვის საშუალებას არ აძლევენ.
პოლიციის უფროსი აქციის მონაწილეებს ფოტოებს უღებდა და სახელსა და გვარს ეკითხებოდა.
საკონსტიტუციო სასამართლოსთან, სადაც აქცია მიმდინარეობს, მობილიზებულია პოლიცია.
