დღეს, 2 მარტს, ქობულეთში, სოფელ ზენიტში საცხოვრებელი სახლი დაიწვა. სახლი ციალა ღლონტის საკუთრება იყო.
როგორც ზენითის ადმინისტრაციულ ერთეულში მერის წარმომადგენელი სულხან გიორგაძე გვეუბნება, სახლის მეპატრონე არ დაშავებულა.
„ხის სახლი იყო და მთლიანად დაიწვა. მეპატრონე ამჟამად სხვა სოფელში იმყოფება შვილთან. ამ სახლში მარტო ცხოვრობდა“-ამბობს გიორგაძე.
მიიღებს თუ არა კომპენსაციას დაზარალებული, როგორც გიორგაძე ამბობს, ამაზე ქობულეთის მერია იმსჯელებს.
________________
მთავარი ფოტო: ზენითში დამწვარი სახლი.
