ქედას, შუახევსა და ხულოს ახალი, EURO 5-ი სტანდარტის შესაბამისი ავტობუსები მოემსახურება – ამის შესახებ ინფორმაციას მუნიციპალიტეტების მერიები ავრცელებენ.
ახალი ავტობუსები 47 მგზავრზეა გათვლილი და ადაპტირებულია შეზღუდული შესაძლებლობების მქონე პირთათვის.
პროექტი საქართველოს მთავრობის მხარდაჭერით და აჭარის ბიუჯეტიდან მიღებული კაპიტალური ტრანსფერის ფარგლებში დაფინანსდა.
პროექტის ფარგლებში ხულოს მერიამ 2 ავტობუსი მიიღო, ხოლო შუახევისა და ქედის მუნიციპალიტეტებმა – თითო ავტობუსი.
ხულოს მერიის ინფორმაციით, ახალი ავტობუსი მოსახლეობას შეღავათიან ფასად მოემსახურება, ახალ ტარიფს მუნიციპალური ტრანსპორტისთვის საკრებულო მომავალ სხდომაზე დაამტკიცებს.
ახალი ავტობუსები სახელმწიფო შესყიდვების სააგენტომ 38 ქალაქისა და მუნიციპალიტეტისთვის შეისყიდა [153 ავტობუსი]. ვრცლად წაიკითხეთ აქ.
