ბათუმის ავტოტრანსპორტის ინფორმაციით, 9 მაისიდან ქალაქში 10, 10ა, 2 და 2ა სამარშრუტო ხაზებზე ახალი ავტობუსები იმოძრავებს:
- 10 და 10ა ხაზებზე ამჟამად არსებული ავტობუსები ახალი, ISUZU-ს მარკის 10-მეტრიანი ტრანსპორტით ჩანაცვლდა
- 2 და 2ა ხაზებზე მოძრავი Zonda-ს მარკის ავტობუსები კი Isuzu Ataman-ის ტიპის [რომლებიც აქამდე 10 და სხვა ხაზებზე მოძრაობდნენ] ავტობუსებით შეცვალეს.
ბათუმის ავტოტრანსპორტის ინფორმაციით, ამ დროისთვის ძველი, Zonda-ს მარკის [ე.წ. ყვითელი] ავტობუსები მხოლოდ 12ა სამარშრუტო ხაზზე მოძრაობს. მათ ახალი ავტობუსების მიღების შემდეგ ჩაანაცვლებენ.
2023 წელს ბათუმში 55 ავტობუსი უკვე შემოიტანეს. სულ 65 ახალი ავტობუსი უნდა შემოვიდეს.
ბათუმისთვის 65 ახალი ავტობუსის შესყიდვასა და მათი გეგმური ფლობის მომსახურებაზე გამოცხადებულ ტენდერში შპს „ჯი-თი გრუპმა“ გაიმარჯვა, რომელიც მერიას ერთ ავტობუსს 536 600 ლარად მიჰყიდის. ანუ, ჯამში ქალაქი 34 879 000 ლარს გადაიხდის 65 ავტობუსში, დღგ-სა და ყველა მომსახურების ჩათვლით.
ამ ახალი ავტობუსებიდან ხუთს ქობულეთიც ელოდება.
ამავე თემაზე:
https://batumelebi.netgazeti.ge/news/455953/
