8 ივლისს განვითარებული წყალდიდობებისა და მეწყერული პროცესების პარალელურად, აჭარის ჯანდაცვის სამინისტროში, ქედის მუნიციპალიტეტისა და აჭარის საგზაო დეპარტამენტის წარმოადგენლებმა, 2016 წლის ივნისის თვეში სტიქიის შედეგად გამოწვეული ზარალის შესახებ მონაცემები წარადგინეს. თანხა საერთო ჯამში ერთ მილიონ ლარზე მეტია.
აჭარის ჯანდაცვის მინისტრის მოადგილის, რამაზ ჯინჭარაძის ინფორმაციით, რომელიც ამავდროულად სტიქიის სალიკვიდიციო შერეული სამთავრობო კომისიის წევრიცაა – ქედის მუნიციპალიტეტის მიერ წარდგენილი ანგარიშით, ივნისის თვეში ზარალი 108 868 ლარია, აჭარის საგზაო დეპარტამტის მიერ დათვლილი ზარალი კი 1 157 000 ლარს შეადგენს. რამაზ ჯინჭარაძის თქმით, სხვა უწყებების მსგასვსი ანგარიში ჯერ არ წარუდგენიათ.
სპეციალურად შექმნილი კომისიები, აჭარის მუნიციპალიტეტებში, მათ შორის ბათუმშიც, გუშინ განვითარებული სტიქიის შედეგად მიყენებულ ზარალსაც ითვლიან.
