დიდი ბრიტანეთის თავდაცვის სამინისტროს დაზვერვა დღეს, 4 ივლისს წერს, რომ ბოლო კვირების განმავლობაში რუსეთმა პრიორიტეტულად აქცია და დახვეწა ტაქტიკა, რომელიც მიზნად ისახავს შეანელოს უკრაინის ჯავშანტექნიკის კონტრშეტევითი ოპერაციები სამხრეთ უკრაინაში.
„ამ მიდგომის არსია რუსეთის მიერ ტანკსაწინააღმდეგო ნაღმების ინტენსიური გამოყენება. ზოგიერთ რაიონში დანაღმული ველების სიმჭიდროვე მიუთითებს იმაზე, რომ რუსეთი, სავარაუდოდ, იყენებს იმაზე ბევრად მეტ ნაღმს, ვიდრე ეს გაწერილია მის სამხედრო დოქტრინაში“ – წერს ბრიტანული დაზვერვა.
მოკლე ანგარიშში ასევე აღნიშნულია, რომ უკრაინის წინსვლის შენელების შემდეგ რუსეთმა სცადა დარტყმა უკრაინულ ჯავშანტექნიკაზე, თუმცა, მიუხედავად იმისა, რომ რუსეთმა ამ მიდგომით გარკვეულ წარმატებებს მიაღწია უკრაინის კონტრშეტევის ადრეულ ეტაპებზე, რუსეთის ძალები კვლავ დასუსტებულნი არიან, განსაკუთრებით ქვედანაყოფების გადანაწილებისა და საარტილერიო საბრძოლო მასალის დეფიციტის გამო – წერს ბრიტანული დაზვერვა.
____________
ფოტო: EPA/KATIA CHRISTODOULOU
