4 ნოემბერს, სამხრეთ რუსეთში, ადიგეისკში მდებარე „ოზონის“ ერთ-ერთ უდიდეს ლოჯისტიკურ ცენტრს უკრაინული დრონები დაესხნენ თავს.
კომპანია „ოზონმა“ აღნიშნულის შესახებ განცხადება გაავრცელა. „ოზონის“ ცნობით, დარტყმამ საწყობში ხანძარი გამოიწვია, თანამშრომლების ევაკუაცია კი დროულად მოხდა.
დაშავებულების შესახებ ინფორმაცია არ ვრცელდება.
ადგილობრივი ხელისუფლების განცხადებით, დრონის ნამსხვრევებმა ქალაქის შემოგარენში მდებარე სოფლებში კერძო სახლები დააზიანა.
ტელეგრამ-არხებზე ვრცელდება თვითმხილველების მიერ გადაღებული ფოტო-ვიდეო მასალა. ტელეგრამ-არხი Astra აცხადებს, რომ Ozon-ის ლოჯისტიკური ცენტრის სახურავი ნაწილობრივ ჩამოინგრა მას შემდეგ, რაც თავდასხმის შესახებ გახდა ცნობილი.
