აჭარის უმაღლესი საბჭოს 2016 წლის არჩევნების წინასაარჩევნო პერიოდი 8 ივნისს დაიწყო. უმაღლესი საარჩევნო კომისიის [უსკო] დღეს არსებული სრული შემადგენლობა ასეთია:
არჩილ მიქელაძე – თავმჯდომარე,
გუგული დუაძე – თავმჯდომარის მოადგილე,
თამარ ხოზრევანიძე – კომისიის მდივანი,
რამაზ გოლომანიძე – წევრი,
ზურაბ გოლიაძე – წევრი,
თორნიკე მჟავანაძე – წევრი,
„აჭარის ავტონომიური რესპუბლიკის უმაღლესი საბჭოს არჩევნების შესახებ“ კანონის თანახმად პოლიტიკური პარტიების მიერ დანიშნული საარჩევნო კომისიის წევრები:
„საქართველოს რესპუბლიკური პარტია“ – მაკა ლომაძე,
„საქართველოს კონსერვატიული პარტია“ – ირაკლი გვარამია,
„თავისუფალი დემოკრატები“ – შორენა ჭაღალიძე,
„ერთიანი ნაციონალური მოძრაობა“ – კახაბერ ჯაიანი,
„ქართული ოცნება – დემოკრატიული საქართველო“ – ფიქრია აფაქიძე,
„მრეწველობა გადაარჩენს საქართველოს“ – მამუკა ჯაში,
„გაერთიანებული დემოკრატიული მოძრაობა“ – ნუგზარ ბაჯელიძე.
ამ შემადგენლობით უსკოს სხდომა დღეს, 13 ივნისს, პირველად ჩატარდა. კომისიამ რამდენიმე საკითხი განიხილა.
აჭარის მთავრობამ, სამი წარუმატებელი მცდელობის შემდეგ, ამჯერად უკვე წინასაარჩევნო რეჟიმში, კონკურსი უსკოს თავმჯდომარეობისა და კომისიის ერთი წევრის კანდიდატების შესარჩევად ისევ გამოაცხადა.
აჭარის ავტონომიური რესპუბლიკის უმაღლესი საბჭოს მორიგი არჩევნები 2016 წლის 8 ოქტომბერს, საქართველოს პარლამენტის არჩევნების პარალელურად ჩატარდება.
უმაღლესი საბჭოს არჩევნებისთვის 3,2 მილიონი ლარი დაიხარჯება.
ამავე თემაზე:
უსკო – არჩევნებისთვის სამზადისი ახალი უფროსის მოლოდინში
