ფინეთმა დაიწყო 200 კილომეტრი სიგრძის ღობის მშენებლობა რუსეთის ფედერაციის საზღვარზე. ღობის სიმაღლე 3 მეტრი იქნება.
მედიის ცნობით, სამშენებლო სამუშაოები მარტში დაიწყება.
ღობის პირველ, სამკილომეტრიანი მონაკვეთს, ქვეყნის სამხრეთ-აღმოსავლეთ ნაწილში, იმატრაში ააშენებენ.
ფინეთს რუსეთთან ყველაზე გრძელი საზღვარი აქვს ევროკავშირში, რომელიც 1340 კილომეტრზეა გადაჭიმული. ამჟამად საზღვარი მსუბუქი, ხის ღობითაა გამოყოფილი.
ფინეთმა სამი მეტრი სიმაღლის მავთულხლართებიანი ღობის აგება რუსეთის უკრაინაზე თავდასხმის შედეგ გადაწყვიტა, რადგან ფინეთში გაიზარდა რუსეთის იმ მოქალაქეების რაოდენობა, რომლებიც მობილიზაციისგან თავდასაღწევად ფინეთში გადადიოდნენ.
სამი მეტრი სიმაღლის ღობე მავთულხლართებით აღიჭურვება, ექნება ღამის ხედვის კამერები, განათება და დინამიკები.
მშენებლობის ღირებულება 380 მილიონ ევროდ არის შეფასებული.
_______________
ფოტოზე: ფინეთისა და რუსეთის საზღვარი. ფოტო: yle.fi
