მუზეუმების საერთაშორისო დღესთან დაკავშირებით, დღეს 21 მაისს, დამთვალიერებლებისთვის მუზეუმები ღამის პირველ საათამდე ღია იქნება.
„ვიზიტორები თავად გახდებიან იმ კულტურული ღონისძიებების მონაწილენი, რომლებიც აქციის ფარგლებში ჩატარდება, სადაც ყველა მსურველისთვის შესვლა უფასო იქნება“ – აცხადებს აჭარის განათლებისა და კულტურის სამინისტრო.
მუზეუმების საერთაშორისო დღესთან დაკავშირებით 2005 წლიდან ევროსაბჭოსა და მსოფლიოს მრავალ ქვეყანაში ეწყობა აქცია „ღამე მუზეუმში“. „საქართველოს კულტურისა და ძეგლთა დაცვის სამინისტროს ინიციატივით 21 მაისს საქართველოს თითქმის ყველა მუზეუმი შეურთდება აქციას. აქციას აჭარის ადმინისტრაციულ ტერიტორიაზე არსებული მუზეუმებიც შეუერთდებიან.
ღინისძიების მიზანია საზოგადოების ცნობიერების ამაღლება მუზეუმების, მასში დაცული კულტურული მემკვიდრეობის ნიმუშების ხელმისაწვდომობის გაზრდა და მათ საქმიანობაში აქტიური ჩართულობა“.
მუზეუმებში დაგეგმილი ღონისძიებების პროგრამა ასეთია:
აჭარის ხელოვნების სახელმწიფო მუზეუმი
21 მაისი, 22.00 საათი.
„ცეკვა მხატვრობაში“- რეპროდუქცირებული თემატური გამოფენა;
მოქანდაკე დავით ბოლქვაძის სკულპტურული ნამუშევრის – „ტორსი“ გადმოცემა აჭარის ხელოვნების მუზეუმის ფონდისთვის კატეგორიაში „ნაჩუქრობა“;
„მუზეუმი და აუდიტორია“ – საჯარო ლექცია;
ბათუმის არქეოლოგიური მუზეუმი:
21 მაისი, 20:30 საათი.
შეზღუდული შესაძლებლობების პირთათვის პროგრამა “მე და ჩემი მეგობარი მუზეუმში” ;
აჭარის ხარიტონ ახვლედიანის სახელობის სახელმწიფო მუზეუმი:
21 მაისი, 21:00 საათი.
ბათუმის ხელოვნების სასწავლო უნივერსიტეტთან ერთად მოეწყობა კოსტიუმირებული თეატრალიზებული პერფომანსი-ანტიკური და თანამედროვე სამოსი ცოცხალი მუსიკის თანხლებით;
გონიო-აფსაროსის არქეოლოგიურ-არქიტექტურული მუზეუმ-ნაკრძალი:
21 მაისი, გონიოს ციხე:
20:00 საათი – ველოტური „ბათუმი-გონიო“ ;
21:00 საათი – ქაღალდის ფილმი „არგონავტები“
21:30 საათი – სპექტაკლი ანტიკურ თემატიკაზე.
