დღეს, 29 დეკემბერს, რუსეთის უკრაინაზე მორიგი საჰაერო თავდასხმის შემდეგ, რუსეთში, სარატოვის ოლქში, ქალაქ ენგელსის სამხედრო აეროდრომის ტერიტორიაზე, აფეთქების ხმა ისმის – ამის შესახებ რუსული მედია წერს.
ინფორმაცია ენგელსის აეროდრომზე აფეთქების შესახებ ვრცელდება რუსულ ტელეგრამარხებზეც.
ენგელსის სამხედრო აეროდრომზე დეკემბერში უკვე ორჯერ განხორციელდა თავდასხმა დრონებით.
სამხედრო აეროდრომი „ენგელს-2“ სტრატეგიული ბომბდამშენების საჰაერო ბაზაა, რომელსაც რუსეთი უკრაინაზე საჰაერო თავდასხმისთვის იყენებს.
განახლებული ინფორმაცია: სარატოვის გუბერნატორმა რომან ბუსარგინმა თავის ტელეგრამზე დაადასტურა აფეთქება აეროდრომის ტერიტორიაზე. მისი თქმით, საჰაერო თავდაცვის სისტემამ „დაუდგენელი ობიექტი“ გაანადგურა და ქალაქიდან მოსახლეობის ევაკუაციის საჭიროება არ არის.
_________________
ფოტო ტელეგრამიდან
ამავე თემაზე:
რუსეთს ქვეყნის სიღრმეში საჰაერო საფრთხეებთან გამკლავება უჭირს – ბრიტანეთის დაზვერვა
