დღეს, 29 დეკემბერს, დილიდან, უკრაინის ქალაქებში საჰაერო განგაშის ხმა ისმის. ქვეყანას დილიდან რუსეთის ავიაცია ბომბავს.
უკრაინის პრეზიდენტის მრჩეველი მიხაილო პოდოლიაკი ტვიტერზე წერს, რომ რუსეთის შეიარაღებულმა ძალებმა 120-ზე მეტი ფრთოსანი რაკეტა ისროლეს უკრაინის ტერიტორიაზე.
29.12.22. 120+ missiles over 🇺🇦 launched by the “evil Russian world” to destroy critical infrastructure & kill civilians en masse. We’re waiting for further proposals from “peacekeepers” about “peaceful settlement”, “security guarantees for RF” & undesirability of provocations.
— Михайло Подоляк (@Podolyak_M) December 29, 2022
როგორც ოპერატიული სამეთაურო „სამხრეთი“ წერს, განგაში თავდაპირველად ქვეყნის სამხრეთ ნაწილში ამოქმედდა გამთენიისას, დილის 06:04 საათიდან კი მთელი ქვეყნის მასშტაბით, გარდა დასავლეთ რეგიონებისა.
არსებული მონაცემებით, ამ დროისთვის აფეთქებების შესახებ იტყობინებიან კიევის, ხარკოვის, ოდესისა და სხვა რეგიონებიდან.