სპეციალური საგამოძიებო სამსახურის საგამოძიებო დეპარტამენტმა აჭარის უმაღლესი საბჭოს დეპუტატის და ენმ-ს ბათუმის ორგანიზაციის თავმჯდომარის მიმართ განხორციელებულ ძალადობაზე გამოძიება დაიწყო.
„სპეციალური საგამოძიებო სამსახურის საგამოძიებო დეპარტამენტის აჭარის ავტონომიური რესპუბლიკის სამმართველოში 2022 წლის 19 დეკემბერს, მედიასაშუალებებით გავრცელებული ინფორმაციის საფუძველზე, გიორგი კირთაძის მიმართ განხორციელებული დევნის ფაქტზე გამოძიება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით გათვალისწინებული დანაშაულის ნიშნებით დაიწყო, რაც პოლიტიკურ მოღვაწეობასთან დაკავშირებით ჩადენილ ძალადობას გულისხმობს.
სპეციალური საგამოძიებო სამსახური ატარებს ყველა საჭირო საგამოძიებო და საპროცესო მოქმედებას სწრაფი და ობიექტური გამოძიების უზრუნველსაყოფად“ – ნათქვამია საგამოძიებო სამსახურის მიერ გავრცელებულ განცხადებაში.
სპეციალურმა საგამოძიებო სამსახურმა განცხადება 19 დეკემბერს, გვიან ღამით გაავრცელა.
გიორგი კირთაძეს თავს გუშინ, 19 დეკემბერს, დაესხნენ. შემთხვევა იმ დროს მოხდა, როდესაც გიორგი კირთაძე ტელეკომპანია “ფორმულას” პირდაპირ ეთერში ჟურნალისტის კითხვებს პასუხობდა.
ამავე თემაზე:
საიას შეფასება კირთაძის წინააღმდეგ თავდასხმაზე – შსს-მ გამოძიება არ დაიწყო
