დღეს, 21 ნოემბერს, რუსეთის პრეზიდენტის პრესმდივანმა დიმიტრი პესკოვმა ჟურნალისტებთან განაცხადა, რომ პრეზიდენტ პუტინის თქმით, უკრაინის ამჟამინდელი ხელისუფლების შეცვლა არ არის რუსეთის „სპეციალური სამხედრო ოპერაციის მიზანი“. კრემლი ამ დრომდე სპეცოპერაციას უწოდებს უკრაინაში რუსეთის სრულმასშტაბიან შეჭრას, რომლის გამოც რუსეთში მობილიზაციაც გამოაცხადა.
კითხვაზე, იყო თუ არა ვოლოდიმერ ზელენსკის შეცვლა ამ „ოპერაციის“ ერთ-ერთი მიზანი, პესკოვმა ასე უპასუხა:
„არა, პრეზიდენტმა უკვე ისაუბრა ამაზე“. პესკოვის ციტატას რუსული საინფორმაციო სააგენტო „ტასი“ ავრცელებს.
„ტასის“ ცნობით, პესკოვმა ხაზგასმით აღნიშნა, რომ ამავდროულად, „რუსეთი მიისწრაფვის მიაღწიოს თავის მიზნებს სპეციალური სამხედრო ოპერაციით“ და „ამ მიზნების მიღწევა შესაძლებელია სხვადასხვა გზით და სხვადასხვა ფორმატში“.
